JAS BUZAWLARDA SALMONELLYOZ, KOLIBAKTERIOZ HÁM PASTERELLYOZ KESELLIGINIŃ TARQALIWI

Kesellik boyınsha qısqasha túsinik. Salmonellyoz barlıq túrdegi jas haywanlardıń septik formasında júzege keletin, ótkir formada ótetuǵın juqpalı kesellik bolıp tabıladı. Qozǵawtıwshıları Salmonella áwladına kiredi. Buzawlar 3-4 hápteden 4 aylıqǵa shekem bolǵan jasda kesellenedi. Qozǵawtıwshısı S. enteritidis (dublin) hám S. tuphimiurium lar. Kesellik temperatura hám kúshli ish ketiw menen keshedi (úlken jasdaǵıları salmonella tasıwshı esaplanıp, kesellik klinikalıq belgilersiz ótedi). Shoshqalar 4 aylıqqa shekemgi jasda kesellenedi, qozǵawtıwshısı S.choleraesuis, S.tuphimiurium. Qoy hámme jasında kesellenedi, ana qoyda salmonellyozli hámile taslaw baqlanadı. Qozǵawtıwshısı S.abortus ovis. Taylar kóbinese ana qarnında ziyanlanadı, biyeler nátiyjede hámile taslaydı. Olarda kesellikti S.abortus equi kesellik qozǵatadı. Quslar salmonellyozi shójeler ómiriniń birinshi kúnleri hám háptelerinde tolıq keselleniw hám ólimi menen júzege shıǵadı. Tawıq máyekleri hám úlken jasdaǵı quslarda kesellenedi. Qozǵawtıwshısı S.pullorum (S.gallinarum) esaplanadı.