KORXONA STRATEGIYASINI AMALGA OSHIRISHDA RESURS SALOHIYATINI BAHOLASH: IMKONIYATLAR VA MUAMMOLAR

Korxona strategiyasini amalga oshirishda resurs salohiyatini baholashning ahamiyatini tahlil qilish, bu jarayondagi imkoniyatlar va muammolarni aniqlash hamda Oʻzbekiston korxonalari uchun amaliy yechimlar taklif etishdan iborat. Tadqiqot vazifalari quyidagilarni oʻz ichiga oladi: resurs salohiyatining nazariy asoslarini oʻrganish, baholashning amaliy usullarini koʻrib chiqish, Oʻzbekiston korxonalarida resurs salohiyatining holatini tahlil qilish va ilgʻor xorijiy tajribani, xususan, Iqtisodiy hamkorlik va taraqqiyot tashkilotining (OECD) korporativ boshqaruv tamoyillarini qoʻllash imkoniyatlarini baholash. Maqolada tahliliy yondashuv, xorijiy va mahalliy adabiyotlarni oʻrganish hamda amaliy misollar tahliliga asoslangan metodologiya qoʻllaniladi. Ushbu tadqiqot Oʻzbekiston korxonalarida strategik boshqaruvni takomillashtirish va resurs salohiyatidan samarali foydalanishga xizmat qiladi.