SHAXSLARARO MUNOSABATLARDA MANIPULYATSIYANING IJOBIY VA SALBIY TOMONLARI

Mazkur maqolada shaxslararo munosabatlarda manipulyatsiya tushunchasi, uning mohiyati va turli holatlardagi ahamiyati tahlil etilgan. Manipulyatsiyaning ijobiy tomonlari sifatida nizolarni oldini olish, insonlarni rag‘batlantirish, tarbiyaviy va psixologik qo‘llab-quvvatlash vositasi bo‘lishi kabi jihatlar ko‘rsatilgan. Salbiy jihatlar esa inson erkinligiga tajovuz qilish, ishonchni susaytirish, psixologik bosim o‘tkazish hamda noteng va adolatsiz munosabatlarga olib kelish holatlari orqali yoritilgan. Muallif manipulyatsiyaning har doim ham zararli emasligini, ammo uning qanday maqsadda va qanday uslubda qo‘llanilayotganiga qarab baholanishi zarurligini ta’kidlaydi. Matn manipulyatsiyaning ijtimoiy-psixologik tomonlarini chuqur ochib beradi hamda bu jarayonni ongli nazorat qilishning dolzarbligini asoslaydi.